2018-19 Rs.10 crore new project AIADMK

“In accordance with the Rights of Persons with Disabilities Act 2016, a state fund will be constituted for the differently abled persons with an allocation of Rs.10 crore.”

“மாற்றுத்‌ திறனாளிகளுக்காக 435 சிறப்புப்‌ பள்ளிகளையும்‌ 42 தொழிற்பயிற்சி நிலையங்களையும்‌ இந்த அரசு நடத்தி வருகிறது. 2016 ஆம்‌ ஆண்டு மாற்றுத்‌ திறனாளிகளின்‌ உரிமைகள்‌ சட்டத்தின்படி, மாநில அளவில்‌ மாற்றுத்‌ திறனாளிகளுக்கான நிதியம்‌ 10 கோடி ரூபாய்‌ ஒதுக்கீட்டில்‌ உருவாக்கப்படும்‌. பாதுகாப்பான வாழ்க்கையை வாழ வழிசெய்ய, அவர்களுக்குத்‌ தேவையான நலத்திட்டங்களை வடிவமைக்க ஏதுவாக, மாநில அளவிலான கணக்கெடுப்பை நடத்தி, மாற்றுத்‌ திறனாளிகளுக்கான தரவுதளம்‌ உருவாக்கப்படும்‌. 2017-2018 ஆம்‌ ஆண்டில்‌, தசைச்‌ சிதைவு மற்றும்‌ பக்கவாதத்தால்‌ கை, கால்‌ பாதிக்கப்பட்ட 1,000 நபர்களுக்கு மோட்டார்‌ பொருத்தப்பட்ட நகரும்‌ வண்டிகள்‌ முதன்முறையாக அனுமதிக்கப்பட்டது. வரும்‌ நிதியாண்டில்‌ 13 கோடி ரூபாய்‌ செலவில்‌ மேலும்‌ 2,000 பயனாளிகளுக்கு மோட்டார்‌ பொருத்தப்பட்ட நகரும்‌ வண்டிகள்‌ வழங்க அனுமதி அளிக்கப்படும்‌. மேலும்‌ 2,000 மாற்றுத்‌ திறனாளிகளுக்கு 12 கோடி ரூபாய்‌ செலவில்‌ இணைப்புச்‌ சக்கரங்கள்‌ பொருத்தப்பட்ட ஸ்கூட்டர்கள்‌ வழங்கப்படும்‌. மாற்றுத்‌ திறனாளிகளுக்கான சுய வேலைவாய்ப்பினை ஊக்குவிக்க, அவர்களுக்கு வழங்கப்பட்டு வரும்‌ விளிம்பு உதவித்தொகை 10,000 ரூபாயிலிருந்து 25,000 ரூபாயாக உயர்த்தப்படுவதோடு, தற்போது ஆண்டிற்கு 1000 பயனாளிகளுக்கு உதவி வழங்கப்படுவதை இருமடங்காக உயர்த்தி, 2,000 பயனாளிகளுக்கு வழங்கப்படும்‌. மாற்றுத்‌ திறனாளிகள்‌ நலத்துறைக்கு, 2018-2019 ஆம்‌ ஆண்டிற்கான வரவு-செலவுத்‌ திட்ட மதிப்பீடுகளில்‌ 545.21 கோடி ரூபாய்‌ ஒதுக்கீடு செய்யப்பட்டுள்ளது. சிறுபான்மையினர்‌ நலன்‌” தமிழ்ப் பதிப்பின் அதே பத்தி (¶122) — வாக்கியம் அல்ல, முழுப் பத்தி; வருடிப் படித்த உரையிலிருந்து

financedept_2018-19_speech_en · p.71 · ¶122 · source PDF ↗ · on the map →